Spontanhandling

Som vanleg hoppar eg ut i ting utan å tenkje så altfor mykje over konsekvensar.
Også denne gangen. Eg starta å blogge igjen! Men utan ha nokon som helst plan eller førebuing. Eg var nok bare i beit for WF-motstandardar ein kveld, og sat derfor og kjeda meg. Og plutselig hadde eg slengt ut eit blogginnlegg.
Det gledelige var at det hagal inn kommentarar! I skrivande stund er det allerede 5 kommentarar frå bloggarar som eg har sakna djupt og inderleg i dei to blogg-lause åra mine. Fleire av desse har eg heldigvis hatt kontakt med gjennom andre sosiale media, men det er noko spesielt med denne blogginga og kontakten ein får gjennom blogging. Iallfall gjennom blogger i denne sjangeren som vi har valgt å kalle fjaseblogging.

Det vart ein altfor lang bloggpause.
Og nå undrar eg kva for bloggar er det verdt å følgja, som har dukka opp dei siste to åra? Og kven har ramla heilt av lasset? Og kven har bare hatt ein litt lang pause - slik som meg. Til dåke siste: det er aldri for seint å venda tilbake! Dåke er djupt sakna!